Şagird yerdəyişməsi sistemindəki problem həll edildi: 10 dəqiqədə 3000 müraciət!

Məktəbəqədər və Ümumi Təhsil üzrə Dövlət Agentliyi şagird yerdəyişməsi sistemindəki vəziyyətlə bağlı açıqlama verib. Agentliyin İctimaiyyətlə əlaqələr şöbəsinin müdiri Zenfira Sevdimalıyeva, sistemə çoxsaylı müraciətlərin eyni anda daxil olması səbəbindən qısa müddətli yüklənmə yaşandığını qeyd edib.

Minval.info xəbər verir ki, texniki heyət tərəfindən dərhal müdaxilə edilib və sistemin sabit və fasiləsiz işləməsi üçün lazımi tədbirlər görülüb. Hazırda sistem yenidən aktivdir və ilk 10 dəqiqədə artıq 3000-ə yaxın müraciət qeydə alınıb.