Səs yazısı qalmaqalı: Məşhur kardioloq təxribat iddiaları ilə üz-üzə

Məşhur uşaq kardioloqu Elnur İmanovun adı ilə yayılan səs yazısı cəmiyyətdə geniş müzakirələrə səbəb olub. Bu hadisə ilə əlaqədar olaraq həkim prokurorluğa çağırılıb.

Minval.info xəbər verir ki, Elnur İmanov səs yazısının qurama olduğunu və ona qarşı təxribat təşkil edildiyini iddia edir. Həkim, bu məsələnin süni intellekt vasitəsilə hazırlandığını və onun adının bu şəkildə hallandırılmasının məqsədli olduğunu bildirib.

İmanov, səs yazısında qeyd edilən kart nömrəsinin ona aid olmadığını söyləyib. Lakin, bankın mobil tətbiqində bu nömrələrin həkimin adı ilə əlaqələndirildiyi məlum olub. Həkim, media qurumlarını səs yazısını ekspertizadan keçirmədən yaymaqda ittiham edir.

ƏLAQƏLİ

Bunu da oxu

Ermənistan 500 km mənzilli PUA-larla güclənir

19.09.2026 - 14:02

Jurnalistika praktikası isə hər bir materialın əvvəlcədən ekspertizaya göndərilməsini tələb etmir. Medianın əsas vəzifəsi məlumatı yoxlamaq və qarşı tərəfin mövqeyini öyrənərək cəmiyyətə çatdırmaqdır. Bu prinsipə əsaslanaraq, redaksiya Elnur İmanovun mövqeyini dərc edib.

Redaksiyamıza daxil olan digər məlumatlar arasında tibbi sığorta sistemi və pasiyentlərdən vəsaitlərin toplanması ilə bağlı iddialar da mövcuddur. Bu məlumatların araşdırılması davam edir və hazırda ictimailəşdirilməsi məqsədəuyğun hesab edilmir.