Azərbaycanda koronavirus təhlükəsi ilə əlaqədar insanların tibbi spirt və ağız maskasına tələbatı artıb. Bununla əlaqədar vətəndaşlar apteklərdə ağız maskasını və tibbi spirti tapmaqda çətinlik çəkir.

Minval.info xəbər verir ki, məsələ ilə bağlı Unikal.org-a açıqlama verən Səhiyyə Nazirliyinin mətbuat katibi Pərviz Abubəkirov tibbi ağız maskalarının çatışmazlığına görə İqtisadiyyat Nazirliyini və sahibkarları ittiham edib:

“Maskaları Səhiyyə Nazirliyi deyil, sahibkarlar gətirir. Nazirlik  yalnız ölkəmizə gətirilən dərman preparatlarının keyfiyyətini yoxlayır. Xahiş edirəm, depolara zəng edib soruşun ki, niyə apteklərə maska gətirmirsiniz? Və yaxud da niyə ölkəyə tibbi maska gətirmirsiniz? Gətirirsinizsə, qiyməti neçəyədir? Qiymətlərlə bağlı narahatlıq varsa da, İqtisadiyyat Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti ilə əlaqə saxlasınlar”.