Rusiya Suriyada 316 adda silahı sınaqdan çıxarıb

Rusiya ordusu Suriyada münaqişə zamanı 316 adda silahı sınaqdan keçirib.

“Report” İsrail KİV-inə istinadən xəbər verir ki, bunu Rusiyanın müdafiə naziri Sergey Şoyqu Dövlət Dumasının Müdafiə məsələləri üzrə komitəsinin toplantısında bildirib.

“Suriya təcrübəsi zamanı bizim helikopterlər 15 km-dək uzaqlıqda hədəfi vura bilən yüngül çoxfunksiyalı raketləri sınaqdan keçirdi. Rəqibin hava hücumundan müdafiə zonasına daxil olmadan bu raketdən istifadə etmək olar”, – deyə rusiyalı nazir vurğulayıb.

S.Şoyqu qeyd edib ki, Suriyadakı münaqişə zamanı terrorçuların mövqeyinə 166 qanadlı raket atılıb.