Rumıniya prezidenti may ayında referendum keçiriləcəyini deyib

Rumıniya prezidenti Klaus Yohannis ədliyyə sahəsində problemlərlə bağlı referendumun mayın 26-da keçiriləcəyi barədə məlumat verib.

AZƏRTAC xəbər verir ki, prezidentin sözlərinə görə, Sosial-Demokrat Partiyasının cinayət məcəlləsinə dəyişiklik etmək niyyəti bu referendumun keçirilməsini zəruri edir. Hökumət partiyasının fəaliyyətindən ciddi narazı olan dövlət başçısı referendumda səslənəcək sualın mahiyyətini deməsə də, məsələnin milli marağa bağlı olduğunu vurğulayıb.