Ruhi: "Əsgər cəbhədə arxayın olmalıdır ki, evdə hər şey qaydasındadır"

“Ön cəbhədə döyüşən əsgərlərimizlə bərabər onların ailələrini də yaddan çıxarmamalıdır”

Minval.info bildirir ki, bu sözləri Ruhi öz “İnstagram” səhifəsində qeyd edib. Ruhi həmçinin iş adamlarını ehtiyacı olan hərbçi ailələrinə dayaq olmağa səslənib:

“Bu günlərdə aparılan Vətən müharibəsində arxa cəbhədə olan insanlar ön cəbhədə döyüşən əsgərlərimizlə bərabər onların ailələrini də yaddan çıxarmamalıdır.

Cəbhədə döyüşən əsgərimizin fikri ancaq döyüşdə olmalı, ailəsinin problemləri onu düşündürməməlidir.

Məhşur “Tütək səsi” filmində Qılınc Qurbanın dediyi kimi “igid əsgər cəbhədə arxayın olmalıdır ki, evdə hər şey qaydasındadır, yoxsa döyüşə bilməz”.

Ona görə, də iş adamları, imkanlı şəxslər ehtiyacı olan hərbiçi ailələrinə dayaq durmalı və onların problemlərinin həll olunmasında dövlətimizə dəstək olmalıdır”.