Röya xalq artistinə barışıq addımı atdı

Müğənni Röya Ayxan xalq artisti Faiq Ağayevə barışıq addımı atıb.

Minval.info xəbər verir ki, ifaçı İnstaqramda xalq artistinin “Uşaq kimi” mahnısını paylaşıb. Röya xalq artistinin mahnılarını sevdiyini də deyib:

“Elə mahnılar var ki, biz onu həmişə sevirik. Faiq Ağayevin yaradıcılığında olan bütün əsərləri sevmişəm və hörmətlə yanaşmışam. Amma “Uşaq kimi” mahnısı çox gözəldir. Küsənlər, hamınız barışın. Kiçik kiçiklik etsin, böyük də böyüklüyünü”.

Qeyd edək ki, ikilinin küsməsinə səbəb Faiq Ağayevin Azərbaycandakı konsertlərdən real gəlir və izləyici yığan müğənnilər sırasında Röyanın adını çəkməməsi olub.