“Röya kimdi ki, o mənim əlimdən çıxıb ortalığa” – Roza

Xəbər verdiyimiz kimi, “Bizimləsən” verilişində müğənni Roza Zərgərli ilə jurnalist Ülviyyə Alovlu arasında mübahisə düşüb.

Reklam fasiləsində başlayan söz savaşı efir zamanı da davam edib. Hər iki tanınmışın əvvəlcə mikrofonu söndürülsə də, sonradan səslər yayımlanıb.

Ülviyyə Alovlu mübahisənin əsl səbəbini və reklam fasiləsində yaşananları danışıb: “Efir zamanı səslər kəsildi. Orada Rozanın cavabını çox pis verdim. O da qayıtdı ki, məni işlədiyin müğənnilərlə, Röya ilə səhv salma. Mən də cavabımda “Sən Röyanın ayağının tozu, çölə atılan dırnağı ola bilməzsən. Özünü Röya ilə müqayisə etmə” dedim. Onda da Roza əlini mənə uzadıb “Röya kimdi ee? Kimdi Röya? Röya mənim əlimdən çıxıb ortalığa” qışqırdı. Bütün verilişdə qırğın oldu”.