Ərdoğan: “İtirəcək vaxtımız yoxdur”

“Ölkə olaraq ağrılı günlərdən keçirik”.

Minval.info “Qafqazinfo”ya istinadən xəbər verir ki, bunu prezident Rəcəb Tayyib Ərdoğan Malatyaya səfəri zamanı deyib.

O bildirib ki, əsrin ən böyük təbii fəlakətlərindən biri yaşanıb:

“6 fevral zəlzələlərində 11 vilayətdə 44 min 374 insan həyatını itirdi. 115 mindən çox vətəndaşımız yaralı olaraq dağıntılar altından xilas edildi. Fəlakətin ilk günlərindən pis hava şəraiti və qəzalı yollar səbəbi ilə çətin günlər keçirdik. İndi itirəcək vaxtımız yoxdur”.

Qeyd edək ki, səfər zamanı Ərdoğanı MHP sədri Dövlət Baxçalı və BBP sədri Mustafa Destici müşayiət edib.