Rafael Ağayev iş istəyir

5 dəfə dünya, 11 dəfə Avropa çempionu Rafael Ağayev Bakı Baş Gömrük İdarəsində işlə təmin olunmağını istəyir. 

Minval.info xəbər verir ki, o, bu barədə “Motivator” yutub layihəsinə qonaq olarkən danışıb. İdmançı atasının arzusunu yerinə yetirmək niyyətində olduğunu qeyd edib:

“Narazı qaldığım bir məqam var. İstəyirəm ki, işlə təmin olunum. Artıq 36 yaşım var. Nə vaxt işə düzələcəm? Buradan məni müəllimlər izləyirlərsə, Bakı Baş Gömrük İdarəsində işlə təmin etsinlər. Karyera bir yerə qədərdir. Bu mənim istəyim yox, atamın arzusudur ki, dövlət işçisi olum. Bu sistem işi də ola bilər, fərqi yoxdur.  Əsas məqsəd vətənimə xidmət etməkdir”.

R. Ağayevin sözügedən çıxışı sosial şəbəkələrdə də müzakirələrə səbəb olub.

Əksər istifadəçilər karateçini istəyi ilə bağlı qınayıblar.