Rəqsanə İsmayılova ilə Ali Pormehr arasında qalmaqal yaşanıb.

“Minval.info” xəbər verir ki, ARB televiziyasında yayımlanan “Maqazin Plus” verilişinə danışan cənubi azərbaycanlı müğənni Ali Pormehr müğənni Rəqsanə İsmayılova ilə qalmaqal yaşadığını deyib.

Müğənni bildirib ki, Rəqsanə onun mahnısını oxuyaraq, ona heç bir ödəniş etməyib:

“Hər şeydən inciyən adam deyiləm, amma Rəqsanə xanıma hörmətimdən mahnımı oxumasına ödəniş etməsi şərti ilə icazə verdim, oxudu, amma ödənişimi etmədi. Biz burada kamaz alveri ilə məşğul olmuruq, söhbət mənəvi bir dəyərdən gedir. Bu baş verənlər mənə təcrübə oldu. Bundan sonra yalnız bir şərtim olacaq, kimsə mahnımı oxumaq istəsə, birinci kartıma pulumu göndərsin, daha sonra oxusun”.

“Minval.info”