Qızlarına elçi gəldi, ər arvadını döydü

Gəncədə ər arvadını döyərək xəstəxanalıq edib.

“Qafqazinfo”nun məlumatına görə, şəhər sakini 40 yaşlı G.H müxtəlif bədən xəsarətləri ilə xəstəxanaya yerləşdirilib. Ona tibbi yardım göstərilsə də, vəziyyəti orta ağır olaraq qalır.

İlkin məlumata əsasən, insident ailədaxili münaqişə zəminində baş verib. Belə ki, ailənin qızına gələn elçilər ərlə arvad arasında fikir ayrılığı yaradıb. Nəticədə ər arvadına ağır xəsarət yetirib.

Faktla bağlı araşdırma aparılır.