Qızının evinə qonaq getdi, 10 minlik qızılı oğurlandı

Mingəçevirdə qızı evinə qonaq gedən şəhər sakininin evi qarət edilib. 

“Qafqazinfo”nun verdiyi məlumata görə, hadisə Cəmil Əliyev 9 a ünvanında baş verib. Həmin ünvanda yerləşən beşmərtəbəli binanın birinci mərtəbəsində yaşayan Arif Abdulkərimovun mənzili naməlum şəxs və ya şəxslər tərəfindən qarət olunub.

Şəhər sakininin evinə daxil olan oğrular oradan dəyəri 10 min manata yaxın olan qızıl-zinət əşyaları aparıblar.

Faktla bağlı araşdırma aparılır.