Qazaxda mikroavtobus 58 yaşlı qadını vuraraq öldürüb

Qazax rayonunda piyadanın ölümü ilə nəticələnən yol-nəqliyyat hadisəsi baş verib.

“Report”un Qərb Mərkəzinin məlumatına görə, hadisə səhər saatlarında şəhərin mərkəzindəki Uşaq Xəstəxanasının yaxınlığında qeydə alınıb.

“İveco” markalı mikroavtobusun vurduğu 1961-ci il təvəllüdlü İradə Tanrıverdiyeva aldığı xəsarətlərdən hadisə yerində ölüb.

Faktla bağlı araşdırma aparılır.