Qaxda it sakinlərə hücum etdi, 6 nəfər yaralandı

Qaxda sahibsiz it qarşısına çıxan sakinlərə hücum edib, 6 nəfər xəsarət alıb.

“Qafqazinfo”nun məlumatına görə, hadisə bu gün səhər saatlarında Qax şəhəri ərazisində baş verib.

Nəticədə Qax sakinləri -1971-ci il təvəllüdlü Rəsul Saleh oğlu Mürsəlov, 1964-cü il təvəllüdlü Eldar Məhərrəm oğlu Əliyev, 1983-cü il təvəllüdlü Şaban Adışirin oğlu Qəniyev, 2002-ci il təvəllüdlü Aysun Müşviq qızı Əzməmmədli və daha iki nəfər xəsarət alıblar. İt dişləməsi diaqnozu ilə Qax Rayon Mərkəzi Xəstəxanasına daxil olan altı nəfər quduzluq əleyhinə peyvənd olunduqdan sonra evə buraxılıblar.