Qəbiristanlıqda meyiti tapılan qadın “bomj” imiş - Ölüm səbəbi bilindi

Suraxanı rayonunun Əmircan qəsəbəsində yerləşən rus-tatar qəbiristanlığında qadın meyiti tapılıb.

Oxu.Az xəbər verir ki, sözügedən şəxs 1985-ci il təvəllüdlü Kristina Aleksandrovnadır.

Qadının içki aludəçisi olduğu, səfil həyat sürdüyü və serrozdan öldüyü məlum olub.

Hüquq-mühafizə orqanları qətl ehtimalını istisna edir. Belə ki, K.Aleksandrovna qəbiristanlığa bacısının qəbrini ziyarət etməyə yollanıb. Halı pisləşən qadın elə qəbiristanlıqda canını tapşırıb.