“Pulları ütüləyib üst-üstə yığırdım” – Fatimə mülklərindən danışdı

"Pulları ütüləyib üst-üstə yığırdım" - Fatimə mülklərindən danışdı

“Bir gündə 13 toya gedirdim, aş təqdim edirdim. Evə gələndə artıq ayaqlarımı idarə edə bilmirdim. Balaca vaxtı yuxuya gedəndə arzular qururdum. Deyirdim, hansısa sahədə məşhur olacam, oldum da. Bir ildir toya getmirik. Düşünürdük ki, toy olmasa, nə olacaq? Xına məclisi olmayanda da Allah mənə ruzi verirdi. Çətin zəmanədə yaşayırıq. Nəsə iş görmək üçün ona can qoymaq lazımdır”.

Axşam.az xəbər verir ki, bu sözləri rəqqasə Fatimə Fətəliyeva “Hüseynova bacıları” proqramında deyib. Sənətçi karantindən əvvəlki həyatından, var-dövlətindən bəhs edib:

“Pullarımı ütüləyib, üst-üstə yığmışam. Gətirib anama vermişəm, mənə yığıb. İkiotaqlı ev almışam. Sonra onu satıb, daha böyüyünü almışam. Qazanıramsa, özümə layiq şərait düzəltməliyəm. Hamı elə bilir ki, Fatimə çox imkanlıdır. Bir bağım, bir evim, bir maşınım var. Qızımı ərə vermişəm, öz evi var. Oğlumu da evləndirib, gəlin gətirəcəm, birlikdə yaşayacam”.