Polisə şikayət etməyə gəldi, yük maşınını bölmənin darvazasına çırpdı - TƏFƏRRÜAT
Avqustun 14-də Bakıda yük maşınının Xətai rayon Polis İdarəsinin 37-ci Polis bölməsinin darvazasına çırpılmasının təfərrüatı məlum olub.
Hadisənin təfərrüatı barədə Oxu.Az-a hüquq-mühafizə orqanlarından məlumat verilib.
Məlum olub ki, bölmənin darvazasına çırpılan “Hyundai” markalı yük maşını “Ceylan” MMC ticarət şirkətinə məxsus olub.
1986-cı il təvəllüdlü sürücü Seymur Mustafayev yük maşınının salonundan 1000 manat, bank kartı və sürücülük vəsiqəsinin oğurlanması barədə polisə şikayət etmək istəyib. O, bu məqsədlə 37-ci bölməyə gəlib. Lakin sürücü idarə etdiyi maşını darvazaya çırparaq polis təsərrüfatına ziyan vurub.
Hazırda oğurluq faktı ilə bağlı araşdırma aparılır, hələlik saxlanılan yoxdur.
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Bakıda sərxoş sürücü aranı qatdı: Sərnişin pəncərədən yerdə düşdü - FOTO
Göyçayda 28 yaşlı gənc qətlə yetirildi
Bakıda daha altı qız tələbə zəhərləndi
“İdmançı adamam, niyə əsa ilə gəzim” – Əhəd Abıyev
Rusiyada azərbaycanlı çempionu belə saxladılar - VİDEO
