Perseid meteor yağışı: Avqust gecəsi göydə ulduzların rəqsi baş tutacaq
Avqustun 13-də göy üzərində möhtəşəm bir mənzərə müşahidə olunacaq. Perseid meteor yağışı bu tarixdə ən yüksək aktivliyinə çatacaq.
Minval.info xəbər verir ki, Bakı Dövlət Universitetinin Fizika fakültəsinin Astrofizika kafedrasının verdiyi məlumata görə, bu hadisə Bakı vaxtı ilə səhər saat 06:00-da öz zirvəsinə çatacaq. Perseid meteor yağışı, “109P/Swift–Tuttle” kometinin buraxdığı toz və kiçik daş parçalarının Yer atmosferinə daxil olması ilə yaranır.
Bu meteorlar atmosferdə uzun işıq izləri buraxaraq digər meteor yağışlarından fərqlənir. Meteorların mənbəyi olan radiant Persey bürcündə yerləşdiyindən, bu hadisə Perseidlər adlanır. Bakıdan bu radiant gecə boyunca görünür və səhərə yaxın ən yüksək nöqtəyə çatır.
Ən yaxşı müşahidə üçün şəhər işıqlarından uzaq, qaranlıq bir yer seçmək məsləhətdir. Hava şəraiti əlverişli olduqda, avqustun 12-dən 13-nə keçən gecə və xüsusilə səhərə yaxın saatlarda onlarla, hətta yüzdən çox meteor müşahidə etmək mümkündür.
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
“11 aylıq tikinti müddətində ekspres avtobuslar ödənişli olacaq”
Sabah 39 dərəcə isti olacaq – Hava proqnozu açıqlandı
Bilgəhdə faciə: Gənc tələbənin boğulması universiteti yasa boğdu
Dentera" ilə diş müalicəsi: Hər kəs üçün əlçatan və keyfiyyətli xidmətlər
Azərbaycanda pensiyaçılar arasında təəccüblü artım: Səbəb nədir?
Dollar sabit qalsa da, avro və rubl ucuzlaşır: Valyuta bazarında son durum
