Parlaq işıqdan qaçanlar: Gözlərimiz niyə qaranlığa can atır?

Bəzi insanlar parlaq işıq altında özlərini narahat hiss edir və daha az işıqlı mühitlərdə rahatlıq tapırlar. Bu narahatlığın səbəbləri fərdi xüsusiyyətlər, psixoloji və fizioloji amillərlə əlaqədar ola bilər.

Minval.info xəbər verir ki, mütəxəssislər qaranlıq mühitin bəzi insanlarda sakitlik və təhlükəsizlik hissi yaratdığını bildirir. Xüsusilə gün ərzində çoxlu səs-küy və vizual stimullara məruz qalan insanlar zəif işıqlı yerlərdə daha yaxşı dincələ bilərlər.

Bununla yanaşı, işığa qarşı həssaslıq da bu vəziyyətin səbəbi ola bilər. Parlaq işıq gözlərdə narahatlıq, baş ağrısı və yorğunluq yarada bilər ki, bu da insanları təbii olaraq qaranlıq və ya az işıqlı yerlərə yönəldə bilər.

ƏLAQƏLİ

Bunu da oxu

Kefirin zərərləri: hər kəs üçün uyğun deyilmiş

11.10.2026 - 14:04

Psixoloji baxımdan qaranlıq mühit insanın diqqətini xarici faktorlardan uzaqlaşdıraraq öz düşüncələrinə fokuslanmasına imkan verir. Bəzi insanlar qaranlıqda daha yaxşı düşünür, işləyir və ya istirahət edir.

Ancaq işığa qarşı həssaslıq qəfildən yaranıbsa və gündəlik həyatı ciddi şəkildə təsirləndirirsə, göz ağrısı, görmə dəyişiklikləri və ya şiddətli baş ağrısı ilə müşayiət olunursa, mütləq həkimə müraciət etmək məsləhətdir.