Özbəkistanda oğurluq edən gənci asdılar - VİDEO

Özbəkistan bazarlarının birində satıcılar oğurluq edən gənci yaxalayaraq onu yerindəcə cəzalandırıblar.

Oxu.Az Kun.uz-a istinadla xəbər verir ki, hadisə Karakalpakstanın Beruniysk rayonunda baş verib.

Satıcılar oğrunu hüquq mühafizə orqanlarına təhvil verməyiblər, əllərini bağlayaraq bazarın darvazasından asıblar.

Hadisə Özbəkistan DİN-in diqqətini çəkib. Mətbuat üçün yayılan məlumatda qeyd olunur ki, hadisə avqustun 1-də meydana gəlib.

Gənci oğurluqda ittiham edərək öz bildiyi kimi cəzalandıran satıcı barəsində artıq cinayət işi açılıb.

Həmçinin hüquq mühafizə orqanlarından ittihamın nə dərəcədə həqiqətə uyğun olmasına dair yoxlama aparılacağını da bildiriblər.