"Oxusan, səninlə Polat Alemdar kimi davranacam" - Necati Şaşmazın xanımının iddia ərizəsi

“Kurtlar Vadisi” serialı ilə şöhrət qazanan aktyor Necati Şaşmazın xanımından boşamaq üçün məhkəməyə müraciət etməsi barədə məlumat vermişdik.

Milli.Az Sputik Türkiyə-yə istinadla xəbər verir ki, xəyanətlə üzləşdiyinə görə ayrılmaq istədiyini dilə gətirən Necati Şaşmaz xanımı Nagihan Şaşmazdan 10 milyon lirə təzminat istəyib.

Nagihan mələsə ilə bağlı qarşılıqlı iddia qaldırıb. O, ərizəsində illərdir Necati Şaşmazdan yaxşı münasibət görmədiyini qeyd edib:

“Mən karyera qurmaq istəyirdim, amma Necati narazılıq etdi. Mənə “mən oxumamışamsa, sən də oxumamalısan. Məktəbə getməyinə mane olacam. Səndən heç nə çıxmaz. Səninlə Polad Alemdar kimi davranacam” deyib”.