“Ölüm sırası məndədir, çox yorulmuşam” – Nadir Qafarzadə

“Bu da son… Ömrün harada bitəcəyini heç kim bilmir. Allah sizə rəhmət eləsin, Baloğlan müəllim. İtirdiklərimiz qazandıqlarımızdan çox oldu. “Məni bu dünyadan aparmaq üçün tufanlı, leysanlı karvan gələcək” – səni də apardı tufanlar, sənətkar”.

Musavat.com xəbər verir ki, bu sözləri müğənni Nadir Qafarzadə İnstaqram hesabında yazıb. Sənətçi dünyasını dəyişən Əməkdar artist Baloğlan Əşrəfovla bağlı paylaşım edib:
“Heç inanmaq istəmirəm, nədənsə. Sizə həsəd aparırdım. Bu fani dünyadan haqq dünyasına gedən qədəmləriniz mübarək. Rahat yat, cənnətlik ol. Sıra məndədir, çox yorulmuşam. Cənnətdə görüşərik. Onsuz da yaşamağın mənası yoxdur. Gözlərimizin yaşı heç qurumur”.

Könül
Musavatcom