Nvidia süni intellekt sahəsində inqilaba hazır: 500 milyard dollarlıq addım!

Nvidia, süni intellekt infrastrukturunun inkişafını dəstəkləmək məqsədilə 500 milyard dollardan çox kapital cəlb etmək üçün altı maliyyə qurumu ilə əməkdaşlıq edir.

Minval.info xəbər verir ki, şirkət, “Apollo”, “Blackstone”, “BlackRock”, “Brookfield”, “Goldman Sachs” və “KKR” ilə müstəqil maliyyələşdirmə platformalarının yaradılması üçün anlaşma memorandumu imzalayıb.

Bu platformalar, süni intellekt və hesablama infrastrukturunu investorlar üçün yeni investisiya sahəsinə çevirməyi və süni intellekt data-mərkəzlərinə çıxışı genişləndirməyi hədəfləyir.

ƏLAQƏLİ

Bunu da oxu

Azərbaycanda 100 məktəb adambaşı maliyyələşməyə keçir

13.11.2026 - 13:54

Nvidia-nın açıqlamasına görə, bu əməkdaşlıq çərçivəsində 500 milyard dollardan çox vəsaitin səfərbər edilməsi planlaşdırılır. Lakin bu maliyyələşdirmənin həyata keçirilməsi üçün yekun razılaşmaların imzalanması tələb olunur.

Şirkətin baş direktoru Jensen Huang bildirib ki, Nvidia, çip istehsalından süni intellekt infrastrukturu üçün yeni investisiya imkanları yaradan bir şirkətə çevrilir.