Nazirliyin kollegiya üzvləri təsdiq olundu

Nazirlər Kabineti Əmək və Əhalinin Sosial Müdafiəsi Nazirliyinin kollegiyasının tərkibini təsdiq edib.

Nazirliyin kollegiyası 11 nəfərdən ibarətdir. Kollegiyanın sədri Əmək və əhalinin sosial müdafiəsi naziri müəyyən edilib. Üzvləri isə sözügedən nazirin müavinləri, Naxçıvan Muxtar Respublikasının əmək və əhalinin sosial müdafiəsi naziri, Azərbaycan Respublikası Əmək və Əhalinin Sosial Müdafiəsi Nazirliyinin Aparatının rəhbəri, Dövlət Əmək Müfəttişliyi Xidmətinin rəisi, Dövlət Sosial Müdafiə Fondunun direktoru, Dövlət Tibbi-Sosial Ekspertiza və Reabilitasiya Xidmətinin rəisi və Dövlət Məşğulluq Xidmətinin rəisindən ibarətdir.