Naxçıvanda Nuh peyğəmbərə heykəl qoyuldu - Elşad Miri alqışladı və... (AÇIQLAMA)

Naxçıvan Duz Muzeyinə Nuh peyğəmbərin heykəli qoyulub.

İlahiyyatçı kimi tanınan Elşad Miri Modern.az saytına açıqlamasında deyib ki, bu işi alqışlamaq lazımdır.

“Ümid edirəm ki, təkcə Nuh peyğəmbərin yox, digər peyğəmbərlərin də hamısına heykəl qoyulacaq. Düşünürəm ki, bu, böyük bir reforma hərəkatı olar. İnsanlar da bu ənənəni alqışlayarlar. Həm də yeni ibadətgahlar yaranmış olar. Bildiyiniz kimi, Naxçıvanda Əshabi-Kəhf ziyarətgahı var. İnsanlar bu müqəddəs yerləri ziyarət edirlər. Əslində, bu cür heykəllərin açılışları mifologiya kimi təqdim olunur. İnsanlar sabah bu yerlərdən turizm obyekti kimi istifadə etməyə çalışırlar”.

Elşad Miri peyğəmbərlərə heykəl qoyulma ənənəsinin müsbət olduğunu bildirib.

“Şairlərə, bəstəkarlara, tarixi qəhrəmanlara heykəl qoyulursa, Nuh peyğəmbərə niyə qoyulmasın?!. Bu, müsbət addımdır”

Minval.info