Gənc rəssamdan yaşlanmaya fərqli baxış

Gənc rəssam Kəmalə Cəfərovanın ‘Yaşamaq da sənətdir’ adlı fərdi sərgisi uğurla keçirildi. Sərgidə nümayiş olunan əsərlər yaş, zaman və yaddaş mövzularına fərqli yanaşma təqdim edir.

Minval.info xəbər verir ki, sərgi Azərbaycanın Əməkdar hüquqşünası, Rusiya Elmlər Akademiyasının akademiki, hüquq elmləri doktoru, professor İlham Rəhimovun nəvəsi Kəmalə Cəfərovanın yaradıcılığını əks etdirir. İlham Rəhimov sərgidəki əsərlərdən birinin onun nəvəsi İsgəndərlə Bodrumda keçirdiyi vaxtı təsvir etdiyini bildirib. O, hər səhər sahilboyu gəzintilər zamanı tarix və hüquq mövzularında söhbətlər etdiklərini qeyd edib.

Kəmalə Cəfərova sərginin əsas məqsədinin yaşlanma prosesinə fərqli və pozitiv prizmadan yanaşmaq olduğunu vurğulayıb. O, əsərlərində yaşlı insanların həyat hekayələrini müsbət tərəfdən göstərməyə çalışdığını bildirib. Rəssamın fikrincə, yaşlanmaq həyatın sonu kimi qəbul edilməməlidir və bu, onun əsərlərində də əks olunur.

ƏLAQƏLİ

Bunu da oxu

Abşeron çimərliklərində küləkli və isti hava gözlənilir

06.09.2026 - 16:09

Sərginin hazırlanmasında ailəsinin dəstəyinin xüsusi rol oynadığını qeyd edən Cəfərova, yaxınlarının ona ilham verdiyini və yaradıcılığını sərbəst şəkildə ifadə etməsinə şərait yaratdığını bildirib. Rəssam əsərlərində italyan üslubuna üstünlük verməsinin səbəbini həyat eşqinin və pozitivliyin daha aydın ifadə olunması ilə izah edib.

İlham Rəhimov nəvəsinin uşaqlıqdan rəsmə maraq göstərdiyini, lakin onun peşəkar səviyyədə sərgi təşkil edəcəyini əvvəlcədən təsəvvür etmədiyini deyib. O, Kəmalənin əsərlərində əsasən yaşlı insanların təsvir olunmasını diqqətə çatdıraraq, bu yanaşmanın insanlara həyatın müxtəlif mərhələləri barədə mesaj verdiyini bildirib. Rəhimov gələcəkdə gənclərə də daha çox yer ayırmağı tövsiyə edib.