Müğənni Cəmilə deputatlığa namizədliyini verəcək
Şou-biznesdə “Elit star” ləqəbi ilə məşhurlaşan müğənni Cəmilə İsgəndərova deputat olmaq istəyir.
Bu barədə sosial şəbəkələrdə yayılan məlumatı Cəmilə Oxu.Az-a açıqlamasında təsdiqləyib.
Müğənni deputatlıq üçün tam hazır olduğunu dilə gətirib.
“Əslində, deputat olmağa çoxdan qərar vermişəm. Sadəcə, bəlli bir yaşa çatmağı gözləyirdim. 30, 40, 50 yaşda insan mükəmməl olmur. Düşünürəm ki, 60 yaş deputat olmağa uyğundur”.
Cəmilə deputat olduqdan sonra islahatlar aparmaq istədiyini, bunun hansı sahəni əhatə edəcəyini də açıqlayıb:
“İslahatlar sırf şou-bizneslə bağlıdır. İnsanların maddi rifahının yüksəldilməsi, yeni iş yerlərinin açılması kimi məsələlər Prezidentin səlahiyyətləri çərçivəsindədir.
Bizim çox gözəl və istedadlı gənclərimiz var. Onlar üçün məktəblər açılmalıdır. Onlara dəstək olmaq lazımdır. Təəssüf ki, istedadlı gənclərə dəstək mərkəzləri yoxdur. Azərbaycanda gənc və istedadlı insanların sayı-hesabı yoxdur. Onları Biləcəridən çıxadıb, xaricə göndərmək lazımdır.
Bunları həyata keçirmək çox çətin məsələdir. Sizə asan gəlməsin. Əgər deyirəmsə, deməli, bu işin öhdəsindən gələcəyəm. İş potensialım var. Dünyanı gəzib-dolaşan sənətçiyəm. Mən bu işə diasporları da cəlb edəcəyəm ki, onların köməyi, yardımı olsun. Elə-belə Milli Məclisdə oturmaq istəmirəm”.
Qeyd edək ki, Azərbaycanda 2020-ci ilin payızında Milli Məclisə seçkilər keçiriləcək. Parlament seçkilərində özünü sınamaq istəyənlər arasında şou-biznes nümayəndələri də var.
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Ermənistan 500 km mənzilli PUA-larla güclənir
Mədət Quliyev oğluyla toyda görüntüləndi
Amazon süni intellekt təhlükəsizliyinə çağırır
Çjan İminq Asiyanın ən varlı şəxsi oldu
Alim Qasımovdan Üzeyir Mehdizadəyə böyük dəstək!
Flora Kərimova: Afət Fərmanqızı ilə barışmadım
Sumqayıtda 12 000 manata tam təmirli mənzillər!
