Müəllimlərin əməkhaqqı artımı üçün yeni mərhələ başladı

Müəllimlərin təkrar sertifikasiyası prosesinin müsahibə mərhələsi bu gündən etibarən başlayır. Test imtahanında keçid balı toplayan müəllimlərin əməkhaqqına 10 faiz, 51 və daha yüksək bal toplayanların isə əməkhaqqına 35 faiz əlavə ediləcək. Bu əlavələr yalnız müsahibə mərhələsində uğur qazanan müəllimlərə şamil olunacaq.

Minval.info xəbər verir ki, bu barədə Məktəbəqədər və Ümumi Təhsil üzrə Dövlət Agentliyi məlumat yayıb. Agentlikdən bildirilib ki, sertifikasiyanın məqsədi müəllimlərin peşəkar inkişafını dəstəkləmək və onların tədris keyfiyyətini artırmaqdır.