Müəllimlər üçün müsahibə mərhələsi başlayır

Müəllimlərin təkrar sertifikatlaşdırılması prosesinin müsahibə mərhələsinə başlanılır. Təhsilverənlərin bu mərhələdə iştirak etməsi üçün zəruri məlumatlar onların şəxsi kabinetlərinə göndərilib. Namizədlər şəxsi kabinetlərinə daxil olaraq müsahibə mərhələsinin keçiriləcəyi tarix və məkanla tanış ola bilərlər.

Minval.info xəbər verir ki, 3 sentyabrdan etibarən təşkil olunacaq müsahibə mərhələsində test imtahanında keçid balı toplayan şəxslərin əməkhaqqına 10 faiz, 51 bal və daha yüksək nəticə əldə edən şəxslərin əməkhaqqına isə 35 faiz əlavə ediləcək. Bu əlavələr yalnız müsahibə mərhələsində uğur qazanan müəllimlərə tətbiq olunacaq.

Müəllimlər, şəxsi kabinetlərində qeyd olunan tarix və məkana uyğun olaraq müsahibə mərhələsində iştirak etməlidirlər.