Mingəçevirdə xəstəxanada kart oğurluğuna hökm oxundu

Mingəçevir şəhərində xəstəxanada müalicə olunan bir şəxsin bank kartını oğurlayaraq müxtəlif mağazalarda alış-veriş edən şəxsə məhkəmə tərəfindən hökm oxunub.

Minval.info xəbər verir ki, Mingəçevir Şəhər Mərkəzi Xəstəxanasının Terapiya şöbəsinin Nevrologiya bölməsində müalicə alan zərərçəkmiş şəxsin bank kartı onun xəbəri olmadan götürülüb və bu kart vasitəsilə müxtəlif marketlərdə alış-veriş edilib. Alış-verişlərin məbləği 1.7 manatdan 65.8 manatadək dəyişib.

Məhkəmə iclasında təqsirləndirilən şəxs özünü təqsirli bilib və zərərçəkmiş şəxsi əvvəllər tanımadığını bildirib. O, 2025-ci ilin sentyabr ayında Mingəçevir şəhərində bir oturacaqda plastik kart tapdığını və sahibini tapa bilmədiyini qeyd edib. Daha sonra həmin kartdan istifadə edərək alış-veriş etdiyini etiraf edib.

ƏLAQƏLİ

Bunu da oxu

Boşanma zamanı qadına dələduzluqla 163 min manat ziyan vuruldu

04.11.2026 - 13:54

Məhkəmə təqsirləndirilən şəxsi Cinayət Məcəlləsinin 177.2.3-1-ci maddəsi ilə təqsirli bilib və ona 3 il müddətinə azadlığın məhdudlaşdırılması cəzası verilib. Həbsdə saxlanıldığı müddət nəzərə alınaraq, cəza müddəti 2 il 11 ay 24 gün olaraq müəyyən edilib.