Məşhur aktyorun noutbuk oğurluğu qalmaqalı

Türkiyənin tanınmış teatr və kino aktyoru Okan Karacan, İstanbulun Şişli səmtində iştirak etdiyi bir tədbirdə noutbuk oğurluğu ilə əlaqədar saxlanılıb. Tədbir zamanı masadan noutbuku götürərək uzaqlaşdığı anlar təhlükəsizlik kameraları tərəfindən qeydə alınıb. Noutbukun sahibi E.Ş.A.-nın polisə müraciətindən sonra hüquq-mühafizə orqanları tərəfindən aparılan araşdırmalar nəticəsində şübhəlinin Okan Karacan olduğu müəyyən edilib.

Minval.info xəbər verir ki, ifadəsi alınmaq üçün polis bölməsinə aparılan aktyor, ittihamları rədd edərək noutbuku yanlışlıqla götürdüyünü bildirib. Karacan, həmçinin zərərçəkənin üç nəfərlə birlikdə onu döydüyünü, silah dəstəyi ilə başına vurduqlarını və avtomobilin baqajına salaraq qaçırdıqlarını iddia edib. Aktyorun anası İ.K. isə oğlunun bu iddialarını yalanlayıb və noutbukun ona hədiyyə edildiyini düşündüyünü bildirib. Bir neçə gün sonra zərərçəkənlər evə gəldikdə noutbuku şəxsən onlara təhvil verib.

Məhkəməyə çıxarılan Okan Karacan, açıq oğurluq ittihamı ilə mühakimə olunsa da, sərbəst buraxılıb.