BMW-nin əməliyyat mənfəəti 2020-dən bəri ən aşağı səviyyəyə düşüb

Alman avtomobil istehsalçısı BMW, bu ilin ilk doqquz ayında əməliyyat mənfəətinin keçən ilə nisbətən 35,2% azalaraq 5,2 milyard avroya (5,8 milyard dollar) düşdüyünü açıqlayıb. Bu, 2020-ci ildən bəri ən aşağı səviyyədir.

Minval.info xəbər verir ki, Münhendə yerləşən şirkət üçüncü rübdə gəlir və mənfəətin azaldığını bildirib. Şirkət, Çin avtomobil bazarındakı kəskin enişi bu düşüşün əsas səbəbi kimi göstərib. “Die Welt” qəzetinin məlumatına görə, gəlir keçən ilə nisbətən 5,8% azalaraq 30,45 milyard avroya düşüb, faiz və vergilərdən əvvəlki qazanc isə 29,7% azalaraq 1,59 milyard avroya enib.

BMW-nin avtomobil diviziyası üçüncü rübdə əməliyyat marjını 3,4% olaraq qeyd edib ki, bu da keçən ilin eyni dövrü ilə müqayisədə 1,8 faiz bəndi aşağıdır. ABŞ və Avropada daha çox avtomobil satmasına baxmayaraq, şirkət, Çindəki zəif tələbdən dolayı təzyiq altında qalıb. Bu ölkədə satışlar təxminən 25% azalıb.

ƏLAQƏLİ

Bunu da oxu

Türk lirəsi tarixi ucuzlaşma ilə qarşı-qarşıya qaldı

04.11.2026 - 14:04

Çərşənbə axşamı axşamı BMW, bu il üçün illik proqnozunu ikinci dəfə aşağı salıb və avtomobil diviziyasının mənfəət marjasının təxminən 0,5% səviyyəsində, ya sıfırdan yuxarı, ya da aşağı ola biləcəyini xəbərdar edib. Bu yenilənmiş proqnoz, avtomobil istehsalçısının əsas avtomobil biznesindən mənfəət əldə etməkdə çətinlik çəkə biləcəyini göstərir.

Şirkət, eyni zamanda, avtomobil satış proqnozunu da yeniləyib və əvvəlki 1% ilə 4,9% arasında kiçik bir azalmanın əvəzinə, indi 5% ilə 9,9% arasında orta dərəcədə bir azalma gözləyir.