Mercedes-dən geriyə dönüş: Fiziki düymələr yenidən gündəmdə!

Mercedes-Benz, avtomobillərində fiziki düymələrin ləğvi qərarını yenidən dəyərləndirir. Şirkətin baş icraçı direktoru Ola Kallenius, avtomobil sənayesinin bu məsələdə həddindən artıq irəli getdiyini qəbul edib.

Minval.info xəbər verir ki, gələcək Mercedes modellərində sürücülərin daha rahat istifadə etdiyi əsas funksiyalar üçün fiziki düymələr yenidən tətbiq olunacaq. Kallenius, tamamilə toxunma ekranlarından imtina etməyəcəklərini, lakin geniş ekranlarla yanaşı, istifadə rahatlığını artırmaq üçün fiziki idarəetmə elementlərinin də saxlanılacağını bildirib.

Son illərdə Mercedes avtomobillərində idarəetmə funksiyalarının əksəriyyəti toxunma ekranlarına köçürülmüşdü. Bu dəyişiklik bir çox sürücü tərəfindən tənqid olunurdu. Benzər addımların Ferrari, Hyundai və Volkswagen tərəfindən də atıldığı məlumdur.