Məktəbdə elektron siqaret qalmaqalı: BŞTİ-dən açıqlama

Bakı Şəhəri üzrə Təhsil İdarəsi, 264 nömrəli tam orta məktəbin XI sinif şagirdlərinin sinif otağında elektron siqaret çəkməsi ilə bağlı araşdırma aparıldığını bildirib. Bu məsələ ilə əlaqədar məktəb rəhbərliyi, sinif rəhbəri və psixoloqun iştirakı ilə görüş təşkil olunub.

Minval.info xəbər verir ki, məktəbdə şagirdlərin davranış qaydalarına riayət olunmasına xüsusi diqqət yetirilir və təlim-tərbiyə prosesinə uyğun olmayan hallara qarşı maarifləndirmə işləri gücləndirilir. Şagirdlərin valideynləri də məktəbə dəvət edilərək, övladlarının davranışlarına diqqət yetirilməsi ilə bağlı tövsiyələr alıblar.

Məktəblərdə səmərəli təlim mühitinin təmin olunması və şagird davranış qaydalarına diqqətin artırılması, təlim-tərbiyə prosesinə uyğun olmayan hallara qarşı maarifləndirmə işinin genişləndirilməsi prioritet məsələlərdən biridir. Məktəbin və müəllimlərin fəaliyyətinə uyğun olmayan hallara qarşı qanunvericiliyin tələbləri çərçivəsində müvafiq tədbirlər görülməsi diqqət mərkəzində saxlanılır.