Meksikada pirotexnika zavodunda partlayış baş verib, xəsarət alanlar var

Meksikanın qərbindəki Xalisko ştatının Zapopan şəhərində yerləşən pirotexnika zavodunda güclü partlayış baş verib.

Minval.info xəbər verir ki, bu barədə “Televisa” məlumat yayıb.

Hadisə nəticəsində 4 nəfər yaralanıb. Onların vəziyyəti ağır qiymətləndirilir.

Partlayışa nəyin səbəb olduğu hələlik məlum deyil.

Bundan əvvəl mərkəzi Puebla ştatında partlayış nəticəsində yeraltı pirotexnika sexi dağılıb. İkisi uşaq olmaqla 6 nəfər ölüb, 10-dan çox insan yaralanıb və yanıb.