Xırdalanda faciə: 19 yaşlı idmançı qumbara qurbanı oldu

Xırdalanda baş verən partlayışın təfərrüatları məlum olub. Hadisə 19 yaşlı Xədicə Mustafayevanın əl qumbarası ilə ehtiyatsız davranması nəticəsində baş verib. Şahidlərin sözlərinə görə, Xədicə həyətdə qanlar içində tapılıb və ağır xəsarətlər alıb. Qardaşı onu xəstəxanaya aparmağa çalışsa da, yolda həyatını itirib.

Minval.info xəbər verir ki, ailənin dörd övladı olub və Xədicə üç qardaşın bir bacısı idi. Qumbaranın qardaşlardan biri tərəfindən müxtəlif yollarla əldə edilərək evdə gizlədildiyi bildirilir. Hadisə günü Xədicə qumbaranı tapıb və ehtiyatsız davranış nəticəsində partlayış baş verib.

Abşeron Rayon Prokurorluğunda faktla bağlı cinayət işi açılıb və istintaq aparılır. Xədicə Mustafayeva kikboksinq üzrə dəfələrlə turnir qalibi olmuş idmançı idi.