Finlandiyadan Ukraynaya 290 milyon avroluq hərbi yardım

Finlandiya Ukraynaya 290 milyon avro dəyərində 34-cü hərbi yardım paketini göndərir. Bu yardım paketi, Finlandiyanın Ukraynaya təqdim etdiyi ikinci ən böyük yardım paketidir.

Minval.info xəbər verir ki, Finlandiya Müdafiə Nazirliyinin açıqlamasına görə, Helsinki indiyədək Kiyevə ümumi dəyəri 3,6 milyard avro olan müdafiə vasitələri tədarük edib. Müdafiə naziri Antti Hakkanen bildirib ki, Finlandiya Ukraynanın müdafiə mübarizəsini dəstəkləməyə davam edir və müharibə dövründə ehtiyaclara uyğun olaraq maddi dəstək göstərilib. Bu dəstək proqramına yerli müdafiə sənayesi şirkətləri də daxil edilib və onların məhsulları da bu paketin bir hissəsini təşkil edir.