Naxçıvanda 26 yaşlı gənc dekan müavini oldu

Naxçıvan Dövlət Universitetində (NDU) yeni kadr təyinatı həyata keçirilib. Universitetin rektoru Elbrus İsayevin imzaladığı əmrə əsasən, Məhərrəm Həsənov İqtisadiyyat və İdarəetmə fakültəsinin dekan müavini vəzifəsinə təyin edilib.

Minval.info xəbər verir ki, 2000-ci il təvəllüdlü Məhərrəm Həsənov NDU-da 2017-2021-ci illərdə bakalavr, 2021-2023-cü illərdə isə magistr təhsili alıb. O, daha əvvəl universitetdə tyutor, müəllim və akademik məsləhətçi kimi çalışıb. Gənc mütəxəssis bir dərs və metodik vəsaitin müəllifidir.