Mehriban Xanlarova: "TikTok-da dilənmirəm, iş axtarıram

Əməkdar artist Mehriban Xanlarova sosial şəbəkələrdə canlı yayım açaraq izləyiciləri ilə ünsiyyət qurduğunu və bu fəaliyyətin pul qazanmaq məqsədi daşımadığını açıqlayıb. O, TikTok platformasında açdığı canlı yayımlar zamanı izləyiciləri ilə söhbət etdiyini və bu fəaliyyətin yalnız ünsiyyət məqsədi daşıdığını vurğulayıb.

Minval.info xəbər verir ki, aktrisa, hazırda işsiz olduğunu və 59 yaşında olmasına baxmayaraq, pensiya yaşına çatmadığını bildirib. O, iş tapmaq üçün çalışdığını və hər hansı bir işdə çalışmaqdan çəkinmədiyini qeyd edib. Mehriban Xanlarova, “Deyirlər, oturub dilənir. Niyə? Mən iş axtarıram. Mağazada belə işləməyə eyib kimi baxmıram. Nə vaxta kimi dost-tanış mənə yardım edəcək?” deyə əlavə edib.