Mbappe "Real"a qarşı oynamayacaq - PSJ-nin qol silahı zədəlidir

PSJ-nin futbolçusu Killian Mbappe Çempionlar Liqasının qrup mərhələsinin 1-ci turunda “Real”la ev oyununu buraxacaq.

Qol.az-ın “Le Parisien”ə istinadən yaydığı xəbərə görə, fransalı hücumçu yüngülləşdirilmiş rejimdə məşqlərə başlamağına baxmayaraq, bir neçə oyun da meydana çıxmayacaq. O, ölkə çempionatında “Strasburq”la görüşdə (14 sentyabr), həmçinin Madrid klubu ilə matçda (18 sentyabr) oynamayacaq.

Qeyd edək ki, Mbappe Fransa liqasının 3-cü turunda “Tuluza” ilə matçda zədələnib.