Manaf Ağayevdən diqqətçəkən açıqlamalar: “İstirahətimi rayonlarımızda etdim, 65 yaşdan sonra…”

Manaf Ağayevdən diqqətçəkən açıqlamalar: "İstirahətimi rayonlarımızda etdim, 65 yaşdan sonra..."

Müğənni Manaf Ağayev bu il xaricə səfər etmədiyini, əvəzində Azərbaycanın müxtəlif rayonlarında istirahət etdiyini bildirib. O, Quba, İsmayıllı və Qəbələ kimi yerlərdə dincəldiyini qeyd edib.

Minval.info xəbər verir ki, Manaf Ağayev televiziyadakı dəyişikliklərdən razılığını ifadə edib. O, 40 illik təcrübəsi ilə efir məhdudiyyətlərinin ona təsir etmədiyini vurğulayıb və sosial media platformasının onun üçün kifayət etdiyini bildirib. Müğənni, efirlərdəki qalmaqalların azalmasının yaxşı olduğunu düşünür və verilişlərdə daha diqqətli olacağını söyləyir.

Manaf Ağayev, 65 yaşından sonra toylara getməyəcəyini açıqlamışdı və bu barədə də danışaraq, yalnız seçmə məclislərdə çıxış edəcəyini bildirib. O, yorulduğu təqdirdə toylara getməyəcəyini və ehtiyac səbəbindən hər toya qatılmaq məcburiyyətində qalmadığını qeyd edib.