Məşhur mahnıya yeni nəfəs verdi

Müğənni Elnarə Xəlilovanın təsisçisi olduğu “El Yaradıcılıq Mərkəzi”nin üzvlərindən biri Piri Əliyev məşhur “Gedəcəyəm” adlı mahnıya akustik kover hazırlayıb.
Minval.info xəbər verir ki, sözləri və musiqi müəllifi Gövhər Həsənzadə olan bəstəyə çəkilmiş klipin təqdimatı keçirilib. Layihənin ideya müəllifi Elnarə Xəlilova bildirib ki, daim gənclərə dəstəkdir:
“Bizim də əlimizdən tutub sənətdə addımlamağımıza kömək oldular. Mən də gənc istedadlara daim dəstəyəm. Piri də o ifaçılardan biridir. “El Yaradıcılıq Mərkəzi”mizə o qədər istedadlı insanlar yaxınlaşır ki. Onlar arasında həkimlər, müəllimlər, elə junalistlər də var. Səsi istedadı olan hər kəsə qapılarımız açıqdır”.
Qeyd edək ki, sözügedən mahnının müşayətini isə pianoçu Rasim Əsgərov edib. Video və montaj Elvin Qasımzadəyə aiddir.