Məktəb alış-verişində valideynlərin başı necə dumanlanır? – Qiymətlər və məsləhətlər

Yeni tədris ilinin başlanmasına az qaldığı üçün valideynlər artıq məktəb alış-verişinə başlayıblar. Məktəbli forması, çanta və dəftərxana ləvazimatları kimi zəruri əşyalar bu alış-verişin əsasını təşkil edir. Ailələr üçün məktəbə hazırlıq xərcləri və bazardakı qiymətlər böyük narahatlıq doğurur.

Minval.info xəbər verir ki, valideynlər məktəbə hazırlıq zamanı ilk növbədə məktəbli forması, ayaqqabı, çanta və dəftərxana ləvazimatlarını almağa üstünlük verirlər. Sinif və məktəbin tələblərinə görə, müxtəlif dərs vəsaitləri də alış-veriş siyahısına əlavə olunur.

Hazırda bazarda məktəb ləvazimatlarının qiymətləri məhsulun keyfiyyəti, istehsalçı markası və satış məntəqəsinə görə fərqlənir. Dəftərlərin qiyməti 30 qəpikdən başlayaraq 1 manata qədər dəyişir. Sadə qələmlər 15 qəpikdən, karandaşlar isə 80 qəpikdən təklif olunur. Rəngli karandaş və flomaster dəstləri 8–16 manat arasında dəyişir. Qələm qabları 4–25 manat, pozan, xətkeş və qələmyonan kimi ləvazimatlar isə bir neçə qəpikdən başlayaraq 2–3 manata qədər artır.

ƏLAQƏLİ

Bunu da oxu

Səhv müdaxilə futbolçunu karyerasından, sevgilisi isə onu sevgisindən məhrum etdi

04.08.2026 - 23:22

Rəsm dərsləri üçün tələb olunan albom, plastilin, boya, yapışqan, qayçı və digər ləvazimatlar 1–15 manat aralığında satılır. Əsas xərclərdən biri də məktəb çantaları və məktəbli geyimləridir. Məktəb çantalarının qiyməti modelinə görə 20–80 manat arasında dəyişir, ortopedik və markalı modellər isə 100 manata qədər yüksəlir. Məktəbli geyimlərində köynəklər 8–15 manat, şalvar və ya ətəklər 15–30 manat, jaketlər isə 20 manatdan başlayan qiymətlərlə təklif olunur. Məktəb ayaqqabılarının qiyməti isə orta hesabla 30–80 manat arasında dəyişir.

Beləliklə, bir şagirdin məktəbə hazırlanması üçün minimum 150–200 manat, daha keyfiyyətli və markalı məhsullara üstünlük verildiyi halda isə 300–500 manata qədər vəsait tələb oluna bilər. Məbləğ alınacaq məhsulların sayı, keyfiyyəti və seçilən satış məntəqəsindən asılı olaraq dəyişir.