Ledi Qaqa ilk dəfə ana oldu!

Amerikalı məşhur müğənni Ledi Qaqa ilk dəfə ana olub. 40 yaşlı sənətçi və onun nişanlısı, sahibkar Maykl Polanski ilk övladlarını dünyaya gətiriblər. Körpənin cinsi, adı və doğum tarixi hələlik açıqlanmayıb. Minval.info xəbər verir ki, cütlük yeni doğulan körpə ilə birlikdə Şimali Kaliforniyada paparassilərin kameralarına tuş gəlib. Fotolarda Ledi Qaqanın körpəni qucağında saxladığı görünür.

Xatırladaq ki, Ledi Qaqa və Maykl Polanski 2024-cü ildə nişanlanıblar. Müğənni daha əvvəl 40 yaşından sonra böyük ailə qurmaq istədiyini bildirmişdi. Həmçinin, Ledi Qaqanın Polanski ilə gizli şəkildə evləndiyi barədə də məlumatlar yayılmışdı.