"Lalə Azərtaşın sinif rəhbəri olmuşam" - Sosial şəbəkədə məşhurlaşan müəllim

Son aylar sosial şəbəkələrdəki çıxışı ilə gündəm olan Gülağa müəllim aparıcı Tarix Əliyevin (Tolik) “Ümid ilə gəl” verilişində qonaq olub.

Axşam.az xəbər verir ki, müəllim proqramda maraqlı açıqlamaları ilə diqqət çəkib. O, aparıcı Lalə Azərtaşın və sabiq nəqliyyat naziri Ziya Məmmədovun oğlu Anar Məmmədovun müəllimi olduğunu bildirib.

“Lalə Azərtaş bilir, onu hazırlaşdırmışam, sinif rəhbəri olmuşam. Dərs deyəndə bir uşaq deməzdi ki, bu nədir? Başa düşən müəllimə dərs dediyi uşaqlar onun balasıdır” deyə, ona Azərbaycan dili fənnindən dərs dediyini vurğulayıb.

Gülağa müəllim Anara dərs dediyi vaxtları isə belə xatırlayır:

“Anar bir az dəcəl idi. Allah bağışlasın, Anarı elə döymüşəm. Bir dəfə bir sillə çəkdim, dörd dəfə fırlandı. Amma çox səxavətli uşaq idi”.