Kredit bazarında 2026-cı il həyəcanı: Banklar hansı risklərlə üzləşəcək?

2026-cı ilin ikinci yarısında Azərbaycan kredit bazarında canlanma müşahidə olunacaq. Banklar bu ilin ikinci rübündəki maliyyə nəticələrini açıqlamağa davam edir və bütün banklar bu dövrü mənfəətlə başa vurublar. İlk yarımilin yekunları bank sektorunun mövcud vəziyyətini əks etdirir.

Minval.info xəbər verir ki, İqtisadi Resursların Öyrənilməsi Mərkəzinin sədri Ruslan Atakişiyev, sistem əhəmiyyətli bankların göstəricilərinin qənaətbəxş olduğunu vurğulayır. Ötən illə müqayisədə bəzi bankların reytinqlərində azalma olsa da, sektor daxilində rəqabətin artdığı müşahidə edilir. Bankların altı aylıq mənfəət göstəriciləri aktivlərin idarə olunmasının effektivliyindən asılıdır. Aktivlərin likvid və gəlirli sahələrə yerləşdirilməsi, bazar həcmi və müştərilərə təklif olunan məhsullar mənfəətə birbaşa təsir edir.

Atakişiyev qeyd edir ki, böyük bankların portfel həcmi yüksək olsa da, əsas məsələ bu portfelin effektiv istifadəsidir. 2026-cı ilin ilk yarısında banklar iqtisadiyyata 32 milyard manata yaxın vəsait yatırıb. Kredit portfelinin strukturunda istehlak kreditlərinin payı 60%-ə çatıb, bu da istehlak kreditlərinə olan marağın artması ilə əlaqədardır.

ƏLAQƏLİ

Bunu da oxu

Urmiya gölü niyə qırmızıya büründü? – Səbəblər açıqlandı

15.08.2026 - 23:53

Ekspertlər ilin ikinci yarısında da sabit artım gözləyir. Bank sektorunun qarşısında duran əsas təhdidlər bazar, maliyyə və idarəetmə riskləridir. Problemli kreditlərin həcmi 1,9-2% təşkil edir ki, bu da ümumi portfel fonunda normal hesab olunur. Lakin sektoru gözləyən digər risklər də mövcuddur. Bunlar arasında bazar rəqabətinin artması, vəsait cəlbinin bahalaşması və müştərilərin ödəmə qabiliyyətinin dəyişmə ehtimalı var. Mərkəzi Bank bu proseslərə qarşı müxtəlif istiqamətlərdə kompleks işlər aparır.

Bank eksperti Emin Kərimov isə kredit yerləşdirilməsinin dinamik şəkildə davam etdiyini bildirir. Kredit satışlarının və bank gəlirlərinin artması, maliyyə məhsullarına yüksək tələbin olduğunu və bankların kredit siyasətini düzgün qurduğunu göstərir. Kredit portfelinin genişlənməsi və problemli kreditlərin idarə olunmasında irəliləyişlər müşahidə olunur. Borcalanların öhdəliklərini vaxtında yerinə yetirməsi bankların toksik aktivlərlə üzləşmə riskini azaldır və maliyyə sabitliyini gücləndirir.