Koronavirusa yoluxan Fatih Terim evə buraxıldı

Koronavirusa yoluxan “Qalatasaray”ın baş məşqçisi Fatih Terimdən xəbər var.

Musavat.com xəbər verir ki, baş məşqçi artıq evə buraxılıb.

Xəstəxanadan verilən məlumatda bildirilib ki, Terim bir çox müayinədən keçib və sağalmağa başladığı üçün evə buraxılıb. O, 14 gün evində karantində qalacaq, səhhəti yenidən pisləşərsə, xəstəxanaya yerləşdiləcək.

Qeyd edək ki, baş məşqçi virusa yoluxduğunu sosial şəbəkədə açıqlamışdı:

“Xəstəxanada etibarlı əllərdəyəm. Narahat olmayın. Ən qısa müddətdə xəbərləşmək ümidi ilə”.