“Konsertimdən 5 manat qazandım” - Miri Yusif
Xalq artisti Miri Yusif 2 fevral Gənclər günündə fanatları ilə görüş keçirib.
Tədbir zamanı sənətçi pərəstişkarları üçün musiqi qrupu ilə canlı ifalar səsləndirib. Onlarla ünsiyyətdə olub.
M.Yusif Axşam.az-a açıqlamasında mediadan uzaq gəzməsinə və verilişlərə az çıxmasına aydınlıq gətirib:
“Müxtəlif verilişlər var ki, ora qatılıram. Hər zaman da gələcəm. Mediadan qaçmıram. Ürəyimin qapıları onlara açıqdır. Elə verilişlər çəksinlər ki, hamı gəlib sənətini göstərsin. Dəxlisiz söhbətlər olmasın, özgənin cibi sayılmasın ki, gələk”.
O, “İlk konsertinizdən gəliriniz nə qədər olub” sualına isə belə cavab verib:
“İlk konsertim klubların birində idi. Onda məni demək olar ki, heç kim tanımırdı. Siz fanatlarım da yox idiniz. Zal 180 nəfər üçün nəzərdə tutulmuşdu. Qorxurdum ki, konsertimə heç kim gəlməyəcək. Gecənin sonunda konsertdən qazandığım pul 5 manat oldu. Ona da 3 qutu siqaret alıb, dostlarımla bölüşdüm”.
Qeyd edək ki, gecənin aparıcısı DJ Fateh olub. O da öz növbəsində Miri Yusifin mayda keçirilməsi planlaşdırılan “Crystall Hall” konserti barədə müğənniyə suallar ünvanlayıb.
Tədbir zamanı sənətçi “Ruh əkizləri” adlandırdığı fanatlarına həsr etdiyi klipi də təqdim edib. İki saata yaxın davam edən gecənin sonunda Miri Yusif onlarla fanatı ilə şəkil çəkdirib.
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Ermənistan 500 km mənzilli PUA-larla güclənir
Mədət Quliyev oğluyla toyda görüntüləndi
Amazon süni intellekt təhlükəsizliyinə çağırır
Çjan İminq Asiyanın ən varlı şəxsi oldu
Alim Qasımovdan Üzeyir Mehdizadəyə böyük dəstək!
Flora Kərimova: Afət Fərmanqızı ilə barışmadım
Sumqayıtda 12 000 manata tam təmirli mənzillər!
