"Kızılcık Şerbeti"nin ulduzu xəyanət iddialarına ilk dəfə cavab verdi

“Kızılcık Şerbeti” serialının aktrisası Seray Kaya haqqında yayılan xəyanət iddialarına ilk dəfə münasibət bildirib.

Minval.info xəbər verir ki, aktrisa “Survivor” yarışması ilə tanınan Sahra İşıkın keçmiş həyat yoldaşı İdris Aybirdi ilə münasibəti olması barədə iddiaları qətiyyətlə təkzib edib.

Seray Kaya bildirib ki, məsələdə adı hallansa da, baş verən hadisələrlə heç bir əlaqəsi yoxdur:

“Ortada bir problem var, amma həmin problemin içində olan şəxs mən deyiləm. Mən heç vaxt bir ailəyə, xüsusilə də bir uşağa zərər verəcək insan deyiləm.”

Aktrisa Sahra İşıkı yalnız bir toy məclisində gördüyünü, eyni mühitdə olduqları barədə yayılan iddiaların isə həqiqəti əks etdirmədiyini vurğulayıb.